Vidi ac perlegi,

Lutetiæ Parisiorum in Sorbona, a. d. vii kal. septembr. ann. MDCCCLXII,

Facultatis Litterarum in Academia Parisiensi Decanus, J. Vict. LE CLERC.

Typis mandetur:

Parisiensis Academiæ Rector,

A. MOURIER.

PARISIIS, E TYPIS REMQUET, GOUPY ET SOC., VIA DICTA GARANCIÈRE, 5.

fruges nobis porrigit; semina plerumque tantum spargit (1); sed ea vegeta et ubera, quæ, mentibus ingenuis et strenuis bene recepta, crescant, et in fœtus lætiores evadant: vel, ut alia utar imagine, quam pariter ex ipsius de se loquentis ore excipio, multis in rebus ille ingenio nostro prælucet, non facis modo continuo fulgentis et longe omnia circumstantia plena luce et æquabili perfundentis; sed fulgurat magis quam splendet, et mittit scintillas acres aut clarissima lumina et brevia; ea tamen, quæ nos errare viæ incertos non sinant, et vel in locis antea obscuris calles nobis aperiant, quos constanter secuti ad speratam metam, nempe ad veritatem optatam perveniamus.

Satis hoc opusculo profecisse mihi videor, si quidquid scriptum vel dictum est de baconiani ingenii acumine, agilitate, amplitudine, exposita et excussa judiciorum et opinionum illius parte, cujus hactenus rara aut nulla mentio fuit, pro mea portione confirmaverim; si vicerim, eum, quem recentioris philosophiæ auctorem et parentem nuncupant, non eo tantum nomine, sed etiam quia litterarum idem amator et cultor diligentissimus, prudentissimus judex, acerrimus vindex et fautor fuit, dignissimum esse qui litteratorum

(1) Novum organum, 1. I, c. cxvI. De augm. 1. IX, c. 1, § 12.

manibus teratur; si demum ex ejus sententiis ipsisque verbis, quæ sæpissime in medium adduxi, patuerit, quam multis muneribus vacet idem opus urgendo, quam vario lepore animos ad se trahat, quam variis fructibus aucturus sit; quantum ingenuo cuilibet, vel longe a schola degenti, sapere possit scriptor ille, quem multi tanquam unius operæ virum, et eumdem tristiorem, philosophiæ peculiariter studiosis colendum tractandumque relinquunt. Non tamen mihi tantum sumo, ut plures Verulamio lectores conciliaturum esse me sperem : nam ut eo officii genere scriptorem juves, ipse legaris oportet: quod quidem sibi polliceri, præsertim in latini opusculi auctore, magna confidentia est.